ملك ملوك العصر الجيري

 كان هناك ملك جبار في زمن ما قبل العصر الجيري اللي هو قبل كابسي وودهان البلاستيك ده عرفينه .. انا مش عارفه بقا .. المهم الملك ده كان دموي ومتعطش للدماء لما يدخل اي بلد يحتلها كان بيقتل كل اللي فيها بطريقه غريبه جدا العصور اللي قبله واللي بعده مكنوش يعرفوها بس انا عارفها يعني .. كان بيعبي الناس في شكاير وبيرميهم في الصرف الصحي .. 

وكان له وزيرا يساعده في كل شئ .. ولكن هذا الوزير كان غبيا جدا .. يعني ممكن اكون انا اذكي منه شويه ... 
فقال له ايها الوزير لقد حكمنا العالم كله ولم يبقي احدا كي نحاربه .. تعالي بقا يابرنس ننزل نخرج شويه ونتمشي كده .. قاله يلا ياكبير حتي الواحد من زمان ماخرجش اهو بالمره نشتري هدوم عشان الطقم دا عندي من زمان ..قاله تصدق انك وزير قليل الأدب ومش محترم مخصوم منك يومين ...
 المهم وهما نازلين قابلتهم مرات الملك وقالت للملك في دهشه ، اين ستذهب ؟ فقال لها الملك في غضب ايه ياوليه انا خارج شويه بلاش يعني ؟ فقالتله بصوت هادئ ( لا تخرج قبل ان تقول سبحان الله) 
فضحك الوزير حتي سمع كل من في القصر ضحكته فقال له الملك بعد ازنك كده ياعم الوزير ناولني كبايه الميه دي .. الوزير قاله ليه عايز تشرب ياسيدي ولا ايه ؟ قاله امال هعوم فيها بروح امك اكيد عايز اشرب ...
 وما كاد ان يناوله كوب الماء وامسك الملك بالكوب ورفع يده اللي السماء ونزلها علي راس مراته وراح قالها البقاء لله يابنت سنيه .. طبعاً اول ما خبطها بقت بالشكل اللي انتو شايفنو ده..

 مفضلش الا ام كرش دي اللي هتهزر معايا دا انا احطك في شوال يابنت ال..... .. يلا ياوزير ارميها في الكابنيه عشان نلحق ننزل نشتريلك هدوم قبل ما Zara يقفل ياعم بأم سحنتك دي .. 
قاله يلا يابو الملوك ياعسليه 
وبس ياعم كدا لحد دلوقتي .. انتظرونا بقا في مغامره الملك مع وزيره الحمار ده في الحلقه الجايه .

يلا عمتم مساءاً .. دا لو بتعرفو تعومو أصلاً 
هههههه .. كفك أسميلي
أنتظرونا
.
.